Við erum:
Birgir Hreiðar Björnsson
Lilja Sigurðardóttir
Særós Ásta Birgisdóttir
Hafþór Hreiðar Birgisson

Við fjölskyldan höfum verið saman í hestamennskunni alla okkar tíð.
Lilja er fædd og uppalin að Haga í Holta-og Landsveit og þar snérist líf hennar mikið um hross.... hún hefur verið með hrossasótt frá blautu barnsbeini og fljótlega eftir að Lilja og Biggi byrjuðu að rugla saman reitum smitaðist Biggi illa af sóttinni góðu og eftir það var ekki aftur snúið. Börnin fengu sóttina með móðurmjólkinni og eru bæði mjög áhugasöm um allt sem snýr að hestamennskunni.
Við höfum stundað smá hrossarækt okkur til skemmtunar og flest hrossanna okkar eru fædd okkur. Við höfum haldið í gamla stofna frá Haga en auðvitað hafa ýmsar aðrar ættir bæst í hópinn.
Okkar hestamennska snýst fyrst og fremst um að hafa gaman og njóta þess að vera til, daglegar útreiðar og hestaferðir á sumrin eru okkar líf og yndi en krakkarnir hafa nú keppt töluvert líka og staðið sig með prýði.
Við temjum okkar hross sjálf og þjálfum, höfum svo sent þau áfram til reyndari knapa ef við höfum haft hug á að láta sýna hryssurnar í kynbótadómi.
Við búum í Kópavoginum og eigum hesthús á félagssvæði Spretts.